अवैध व विनापरवाना अफूची लागवड करणाऱ्या एकास पकडले.स्था.गु.शा. कारवाई.. १२,६०,२८,०००/-रु.चा मुद्देमाल जप्त

अवैध व विनापरवाना अफूची लागवड करणाऱ्या एकास पकडले.स्था.गु.शा. कारवाई..  १२,६०,२८,०००/-रु.चा मुद्देमाल जप्त

देऊळगाव राजा तालुक्यातील अंढेरा शिवारात, शनिवार, २२ फेब्रुवारी रोजी पहाटे एक महत्त्वाची कारवाई झाली. स्थानिक गुन्हे शाखेच्या पथकाने अफूच्या शेतीवर धाड घातली आणि सुमारे १२ कोटी ६० लाख रुपये किंमतीची प्रतिबंधित अफू जप्त

या कारवाईत शेतमालक संतोष मधुकर सानप (वय ४९, रा. अंढेरा) याला गुन्हा दाखल करून अटक केली गेली.

अफूचे पीक १२ गुंठे क्षेत्रात लागवड करण्यात आले होते आणि जप्त केलेल्या अफूचे वजन १५ क्विंटल ७२ किलो एवढे आहे. ही कारवाई बुलढाणा एलसीबीने अलिकडच्या काळात केलेली सर्वात मोठी कारवाई आहे.

अफू पिकाची लागवड झालेले शेत अंढेरा पोलीस स्टेशनपासून अवघ्या ४ किमी. अंतरावर आहे, यामुळे पोलीस वर्तुळात आश्चर्य व्यक्त होत आहे की अंढेरा पोलीस याबाबत अनभिज्ञ कसे राहिले

बुलढाणा एलसीबीला गुप्त माहिती मिळाल्यानंतर, पोलीस निरीक्षक अशोक लांडे आणि एपीआय आशिष रोही यांच्या नेतृत्वाखालील पोलीस पथकाने अफू शेतीवर धाड घालून कारवाई केली. या कारवाईने प्रतिबंधित अंमली पदार्थांच्या साठ्यावर घाला घातला आहे.