पणजी, गोवा येथे भरलेल्या आंतरराष्ट्रीय भारत नृत्य महोत्सवात नयन बोकडे यांचे घवघवीत यश..सौ गीता सोनोने

पणजी, गोवा येथे भरलेल्या आंतरराष्ट्रीय भारत नृत्य महोत्सवात नयन बोकडे यांचे घवघवीत यश

सौ गीता सोनोने

दि. १ जून ते ४ जून २०२६ दरम्यान पणजी, गोवा येथे आयोजित करण्यात आलेल्या "भारत नृत्य महोत्सव – International Dance Contest & Festival" या आंतरराष्ट्रीय नृत्य स्पर्धा व महोत्सवात कु. नयन ज्योती मुकुंद बोकडे यांनी Modern Dance प्रकारात उत्कृष्ट सादरीकरण करून विजेतेपद पटकावले.

देश-विदेशातील अनेक नृत्यकलाकारांच्या सहभागाने रंगलेल्या या प्रतिष्ठित स्पर्धेत नयन यांच्या दमदार आणि आकर्षक नृत्य सादरीकरणाने परीक्षकांची मने जिंकली. त्यांच्या या उल्लेखनीय यशाबद्दल त्यांना मानचिन्ह व प्रमाणपत्र देऊन गौरविण्यात आले.

या सोहळ्यात प्रमुख पाहुण्या म्हणून उपस्थित असलेल्या प्रसिद्ध नृत्यकलावंत वैष्णवी पाटील आणि विद्या लाल यांच्या हस्ते नयन बोकडे यांना हा मानाचा पुरस्कार प्रदान करण्यात आला. नृत्यक्षेत्रातील दिग्गज कलाकारांच्या हस्ते सन्मानित होणे ही त्यांच्यासाठी अभिमानाची बाब ठरली.

आपल्या यशाबद्दल बोलताना नयन बोकडे यांनी या यशाचे संपूर्ण श्रेय आपल्या आई-वडिलांना, गुरु किरण भेले मॅडम, पती आकाश, सासरच्या कुटुंबियांना तसेच संपूर्ण पावणीकर परिवाराला दिले. त्यांच्या सततच्या मार्गदर्शन, प्रोत्साहन आणि पाठिंब्यामुळेच हे यश संपादन करता आल्याचे त्यांनी नमूद केले.

नृत्यकलेप्रती असलेली त्यांची निष्ठा, कठोर परिश्रम आणि समर्पण यामुळे मिळालेल्या या यशाबद्दल सर्व स्तरांतून त्यांचे अभिनंदन करण्यात येत आहे. 🏆💃✨