वयस्कर, दिव्यांग मतदारांना मतदानासाठी पोस्टल बॅलेट व्यवस्था
प्रतिनीधी -
दि. 29 : संपूर्ण बुलढाणा जिल्ह्यात तील अपंग दिव्यांग बांधवांना मतदानासाठी जाण्यास अडथळा निर्माण होतो, अडचणी वेगवेगळ्या प्रकारच्या अडचणी येत होत्या त्यामुळे महाराष्ट्र नवनिर्माण सेनेच्या वतीने चिखली उपतालुकाध्यक्ष मयूर पऱ्हाड यांनी दिनांक 13 फेब्रुवारी 2024 रोजी मनसे जिल्हाध्यक्ष गणेश बरबडे व तालुकाध्यक्ष विनोद खरपास रवि वानखेडे शहर सचिव यांचे नेतृत्वात तहसीलदार चिखली यांना निवेदन दिले होते त्यांचे निवेदनाची दखल घेत जिल्हाधिकारी बुलढाणा यांनी एका प्रसिद्धी पत्रकाद्वारे कळविले की, आगामी लोकसभा निवडणुकीत 80 वर्षाहून अधिक वयोवद्ध आणि दिव्यांग मतदारांना मतदानासाठी पोस्टल बॅलेटची व्यवस्था करण्यात आली आहे. यासाठी त्यांना 12 डी हा फॉर्म भरून द्यावा लागणार आहे. यामुळे या मतदारांना घरूनच मतदान करण्याची सुविधा मिळणार आहे.
मतदार यादीमध्ये नाव नोंदविलेले असणाऱ्या 80 वर्षाहून अधिक वय असणारे नागरीक आणि दिव्यांग जे मतदान केंद्रावर येऊ शकत नाही, अशा मतदारांना 12 डी हा फॉर्म भरून देण्याची सुविधा देण्यात आली आहे. मतदान केंद्रावर येऊ शकत नाही, अशा मतदारांनी स्थानिक स्तरावरील मतदान केंद्रस्तरीय अधिकारी यांच्याशी संपर्क साधावा लागणार आहे. याप्रकारे मतदान करण्यासाठी फॉर्म 12 डी आणि दिव्यांग असल्याचे वैद्यकीय प्रमाणपत्र सादर करावे लागणार आहे. जेणेकरून निवडणुकीच्या दिनांकापूर्वी संबंधित निवडणूकीचे अधिकारी घरी येऊन मतदानाची संधी संबंधी दिव्यांग आणि वयस्क मतदारांना पूर्व सूचना देऊन येतील.
या सुविधेचा लाभ जे मतदार मतदान केंद्रावर येऊ शकणार नाही, अशा मतदारांनी घ्यावा. तसेच 12 डी फॉर्म भरून देण्याची काळजी घ्यावी. यात अडचणी असल्यास संबंधित मतदान केंद्रस्तरीय अधिकारी यांचा संपर्क क्रमांक देऊन मदत करण्यात येणार आहे, तसेच अडचण असल्यास 1950, वोटर हेल्पलाईनवर संपर्क साधावा, असे आवाहन जिल्हाधिकारी डॉ. किरण पाटील यांनी केले आहे. मागणीमुळे दिव्यांग बांधवांना मोठ्या प्रमाणावर दिलासा मिळाला असून मनसेचे सर्व स्तरातून अभिनंदन केल्या जात आहे.
0 Comments