:- बुलढाणा येथील अपघातामध्ये मृत पावलेल्या एका भिक्षुकाकडे लाखो रुपयांचे घबाड सापडले आहे. बुलढाणा जिल्ह्यातील मेहकर तालुक्यामध्ये डोणगाव रोडवर सायकलस्वार भिक्षुकाला अज्ञात दुचाकीस्वाराने धडक दिली.
या अपघातामध्ये भिक्षुक गंभीरित्या जखमी झाला होता. त्याला सुरुवातीला मेहकर येथील स्थानिक रुग्णालयामध्ये उपचारार्थ दाखल करण्यात आलं होतं. पण पुढील उपचारासाठी इतरत्र
हलवण्यात आले. तिथे उपचारावेळी भिक्षुकाचा मृत्यू झाला. त्यानंतर पोलिसांनी तपासणी केली असता त्याच्याकडे पैसे सापडले आहेत. एवढी मोठी रक्कम एका भिक्षुकाकडे पाहून पोलीस देखील चक्रावून गेले आहेत.
अधिक माहितीनुसार, बुलढाण्यातील मेहकर येथील शासकीय रुग्णालयाजवळ शुक्रवारी एक इसम सायकलच्या धडकेत गंभीर जखमी झाला होता. पोलिसांना ही माहिती मिळताच या इसमाला पोलिसांनी शासकीय रुग्णालयात उपचारासाठी
दाखल केले. यावेळी या इसमासोबत एक पिशवी होती. अपघातामध्ये मृत्यूमुखी पडलेला हा भिक्षुक कोण आहे? याचा तपास घेण्यासाठी अपघातस्थळी पोलिसांनी त्या पिशवीमध्ये पोलिसांना आधार कार्ड सापडले. या आधार कार्डच्या मदतीने पोलसांना त्याच्या नातेवाईकांपर्यंत पोहचणे शक्य झाले.
या भिक्षुकाचे नाव दीपक बाबुराव मोरे आहे. ४८ वर्षे वय असून अंजनी मेहकर येथे राहत असल्याचे समोर आले. त्या भिक्षुकाकडे सापडलेल्या पिशवीत काही कागदपत्रे, चेकबुक आणि १ लाख ६३ हजार रुपये नगद रक्कम मिळून आली.
पोलिसांनी या इसमाच्या नातेवाईकांचा शोध घेऊन ही रक्कम व कागदपत्रे नातेवाईकांच्या स्वाधीन केले आहे. यावेळी मात्र पोलिसांना देखील गहिवरून आलं होतं. धनत्रयोदशीच्या
दिवशी नातेवाईकांना ही रक्कम देण्यात आली. पैसे सुपूर्द करताना नातेवाईकांसह पोलिसांनाही गहिवरुन आले. एवढे पैसे भिक्षकुकाडे कसे आले? याचा तपास पोलीस करत आहे
0 Comments