* तहसिल कार्यालयात प्रजासत्ताक दिन साजरा*
• तहसिलदार सुनिल पाटील यांच्या हस्ते ध्वजारोहण
खामगाव , दि. २६, ( उमाका): तहसिल कार्यालयात भारताचा ७७ व्या प्रजासत्ताक दिनाचा वर्धापन दिन आज सकाळी साजरा करण्यात आला. तहसिलदार सुनिल पाटील यांच्या हस्ते शासकीय ध्वजारोहण कार्यक्रम पार पडला.
यावेळी उप विभागीय कृषी अधिकारी बि. जी. व्यवहारे अपर जिल्हाधिकारी महेंद्रकुमार कांबळे, निवासी उपजिल्हाधिकारी अभिमन्यू बोधवड, सहायक जिल्हाधिकारी योगेशकुमार मीना, उपजिल्हाधिकारी अनिल माचेवाड, उपविभागीय अधिकारी समाधान घुटुकडे, उपजिल्हा निवडणूक अधिकारी प्रगती चोंडेकर, जिल्हा पुरवठा अधिकारी आप्पासाहेब पाटील, जिल्हा नियोजन अधिकारी अनिता लव्हारे, तहसीलदार श्रीकांत भुजबळ, अश्विन माने, सहायक जिल्हा नियोजन अधिकारी जी. जी. चितळे, प्रदीप नळगीरकर यांच्यासह विविध विभागप्रमुख यावेळी उपस्थित होते.
यावेळी संविधानाची प्रस्तावना वाचन करण्यात आले. तसेच राष्ट्रगीताने कार्यक्रमाची सांगता झाली. प्रजासत्ताक दिनाच्या निमित्ताने स्वातंत्र्यसैनिकांच्या त्यागाचे स्मरण करण्यात आले व संविधानातील समता, स्वातंत्र्य, बंधुता व सामाजिक न्यायाच्या मूल्यांचे पालन करण्याचा संकल्प उपस्थितांनी केला.पोलीसांच्या बँड पथकाने राष्ट्रगीत व राज्य गीत सादर केले.
कार्यक्रमास प्रशासनातील अधिकारी, कर्मचारी, विविध विभागांचे प्रतिनिधी, नागरिक मोठ्या संख्येने उपस्थित होते.
*****
0 Comments