अज्ञात वाहनाच्या धडकेत दुचाकीस्वाराचा जागीच मृत्यू; एक गंभीर जखमी...
जळगाव जामोद (प्रतिनिधी):
अज्ञात वाहनाने दिलेल्या जोरदार धडकेत एका ४० वर्षीय व्यक्तीचा जागीच मृत्यू झाल्याची हृदयद्रावक घटना आसलगाव शिवारात घडली आहे. या अपघातात दुचाकीवर पाठीमागे बसलेला मित्र गंभीर जखमी झाला असून, पोलिसांनी अज्ञात वाहन चालकाविरुद्ध गुन्हा दाखल केला आहे.मिळालेल्या माहितीनुसार, मृतक दुर्गा तायडे (वय ४०, रा. निमगाव, ता. नांदुरा) हे आपल्या मित्रासह मोटारसायकलने जात असताना, १ फेब्रुवारी २०२६ रोजी रात्री ८ वाजेच्या सुमारास आसलगाव शिवारात हा अपघात घडला. विरुद्ध दिशेने येणाऱ्या एका अज्ञात वाहन चालकाने आपले वाहन भरधाव वेगाने आणि निष्काळजीपणे चालवून तायडे यांच्या मोटारसायकलला समोरासमोर जोराची धडक दिली.ही धडक इतकी भीषण होती की, दुचाकी चालक दुर्गा तायडे यांचा जागीच मृत्यू झाला. त्यांच्यासोबत असलेला मित्र या अपघातात गंभीर जखमी झाला असून, त्याच्यावर उपचार सुरू आहेत. घटनेनंतर अज्ञात वाहन चालक वाहनासह घटनास्थळावरून फरार झाला आहे.
0 Comments