*जामोद येथे भव्य गरबा इव्हेंट संपन्न*
*स्त्री ही केवळ सौंदर्याची मूर्ती नसते, तर ती संयम, प्रेम आणि त्यागाची परिसीमा असते - मिनलताई दामधर*
*स्त्री हाच खरा ग्राम विकासाचा आत्मा - मिनलताई दामधर*
जामोद प्रतिनिधी - काल दिनांक २० सप्टेंबर रोजी जामोद येथे मिनलताई समाधान दामधर यांनी आयोजित केलेला मोफत गरबा इव्हेंट संपन्न झाला. सदर गरबा इव्हेंट मध्ये ७०० पेक्षा अधिक महिला सहभागी झाल्या. गरबा इव्हेंट मध्ये गरबा क्वीन म्हणून दुर्गा मिसाळ यांनी बहुमान मिळवला तर प्रथम बक्षीस पुजा धुर्डे यांना, द्वितीय बक्षीस कीर्ती तेलंग्रे यांना , तृतीय बक्षीस प्रांजल धर्मे यांनी पटकावले .
"स्त्री ही केवळ सौंदर्याची मूर्ती नसते, तर ती संयम, प्रेम आणि त्यागाची परिसीमा असते असे मत मीनलताई दामधर यांनी व्यक्त केले व स्त्री हाच खरा ग्राम विकासाचा आत्मा असल्याचे सांगितले.
यावेळी बोलतांना आरतीताई पालन यांनी जामोद येथे पहिल्याच वर्षी महिलांचा उत्स्फूर्त प्रतिसाद व भव्य आयोजन आश्चर्यचकित करणारे होते असे मत व्यक्त केले, तर जयश्री सौदागर यांनी बोलतांना मीनलताई दामधर ह्या ग्रामीण महिलांना दिशादर्शक ठरतील असा विश्वास व्यक्त केला.
गरबा इव्हेंट च्या अध्यक्ष स्थानी जामोद गावचे प्रथम नागरिक लोकनियुक्त सरपंच सौ गंगुबाई दामधर तर निरिक्षक म्हणून साईमंगल गरमेंट, जळगांव च्या संचालिका जयश्री ताई सौदागर, गरबा ट्रेनिंग सेंटर च्या संचालिका आरतीताई पलन, रजनी मेक ओव्हर पार्लर, च्या संचालिका सौ. रजनी प्रतिक हिस्सल, कल्पतरू ड्रेसेस च्या संचालिका आशा ताई ताडे, इव्हेंट च्या आयोजक सौ. मीनलताई समाधान दामधर होते.
कार्यक्रमाचे सूत्र संचालन माधुरीताई दातीर यांनी तर प्रस्तावना व आभार प्रदर्शन मीनलताई दामधर यांनी केले.
कुठल्याही प्रकारची फी न घेता मोफत चार दिवसीय वर्कशॉप व भव्य गरबा इव्हेंट चे आयोजन बाबत संपूर्ण परिसरात मीनलताई दामधर यांचे कौतुक होत आहे.
0 Comments